తిరుమలలో రద్దీ పెరిగింది; ఆదివారం 87,179 మందికి స్వామి వారి దర్శనం

తిరుమల క్షేత్రంలో భక్తుల రద్దీ నిత్యం కొనసాగుతోంది. వైకుంఠం క్యూ కాంప్లెక్స్ లోని 31 కంపార్ట్మెంట్లు, నారాయణగిరి షెడ్లు భక్తులతో నిండి ఉన్నాయి. క్యూ లైన్లు శిలాతోరణం వరకు విస్తరించాయి.

ఆదివారం 87,179 మంది భక్తులకు స్వామి వారి దర్శనం కల్పించినట్లు టిటిడి అధికారులు తెలిపారు. హుండీ ద్వారా 4.59 కోట్ల రూపాయలు ఆదాయం లభించింది.

సోమవారం సాయంత్రం వరకు కూడా క్యూలు శిలాతోరణం వరకు ఉన్నాయి. టోకెన్లు లేని భక్తులకు సర్వదర్శనానికి 20 నుంచి 24 గంటలు పడుతుందని, 300 రూపాయల ప్రత్యేక దర్శనానికి 6 గంటలు, సర్వదర్శనం టోకెన్ పొందిన వారికి 8 గంటల సమయం పడుతుందని అధికారులు ప్రకటించారు. శిలాతోరణం దాటిన వారికి మరింత సమయం పట్టే అవకాశం ఉందని టిటిడి తెలిపింది.