గచ్చిబోలి పోలీసులు రోడ్డుపై దొరికిన మహిళను చౌటుప్పల్ అమ్మా నాన్న అనాథ ఆశ్రమంలో చేర్పించారు

జూలై 25న గచ్చిబోలిలో అనుమానాస్పద స్థితిలో కనిపించిన ఇందిరా ప్రియదర్శిని అనే మహిళను స్థానిక పోలీసులు గుర్తించారు. ఆమె భద్రత కోసం యాదాద్రి భువనగిరి జిల్లా చౌటుప్పల్‌లోని అమ్మా నాన్న అనాథ ఆశ్రమంలో చేర్పించారు.

ఆశ్రమంలో చికిత్స పొందిన ఇందిర ఆరోగ్యం మెరుగుపడి, కుటుంబ సభ్యుల వివరాలు చెప్పారు. సిబ్బంది ఆమె కుటుంబాన్ని సంప్రదించగా, ఆంధ్రప్రదేశ్‌లోని మార్కాపురం జిల్లా పొదిలి నుంచి తల్లి వెంకట లక్ష్మమ్మ ఆశ్రమానికి చేరుకున్నారు.

కుమార్తెను చూసిన క్షణంలోనే తల్లి కన్నీరు పెట్టగా, ఇందిర ఆమెను ఓదార్చారు. ఇంట్లో గొడవల కారణంగా, తాను ఆస్పత్రిలో ఉన్న సమయంలో ఇందిర ఇల్లు వదిలి వెళ్లినట్లు వెంకట లక్ష్మమ్మ తెలిపారు.

ఆశ్రమంలో ఉన్నప్పుడు ఇందిర దగ్గర ఉన్న నగదు, పట్టీలను సిబ్బంది తిరిగి అప్పగించారు. అనంతరం ఆమెను తగిన పత్రాలపై సంతకం తీసుకుని కుటుంబ సభ్యులతో ఇంటికి పంపినట్లు అధికారులు తెలిపారు.