వర్షాల కోసం కూకట్‌పల్లిలో చండీ యాగంలో స్పీకర్ గడ్డం ప్రసాద్ కుమార్ పాల్గొన్నారు

తెలంగాణ అసెంబ్లీ స్పీకర్ గడ్డం ప్రసాద్ కుమార్ కూకట్‌పల్లి ప్రగతి నగర్‌లో జరిగిన చండీ యాగంలో పాల్గొన్నారు. వర్షాలు కురిసి పంటలు సమృద్ధిగా పండాలని ఆయన ఈ కార్యక్రమంలో ప్రత్యేక పూజలు నిర్వహించారు.

ఎల్నినో ప్రభావంతో రాష్ట్రంలో కరువు పరిస్థితులు ఏర్పడ్డాయని స్పీకర్ అన్నారు. రాష్ట్రంలో సమృద్ధిగా వర్షాలు కురిసి కరువు పరిస్థితులు తొలగిపోవాలని ఆయన ఆకాంక్షించారు. ప్రజలంతా సుఖ సంతోషాలతో ఉండాలని అన్నారు.

చంద్రశేఖర శాస్త్రి ఆహ్వానం మేరకే ఈ కార్యక్రమానికి హాజరయ్యానని స్పీకర్ తెలిపారు. లోక కళ్యాణం కోసం నేడు శని హోమం నిర్వహించినట్లు ఆయన వివరించారు.