హైదరాబాద్‌లో గణేష్ నిమజ్జన శోభాయాత్రలు ఉదయమే ప్రారంభం

హైదరాబాద్‌లో వినాయక నిమజ్జన శోభాయాత్రలు ఉదయం నుంచే ప్రారంభమయ్యాయి. రాత్రి బయలుదేరిన విగ్రహాలు ట్యాంక్ బండ్, తెలుగు తల్లి ఫ్లై ఓవర్ సమీప ప్రాంతాలకు చేరుకుంటున్నాయి.

ట్యాంక్ బండ్ వద్ద పీపుల్స్ ప్లాజా, సెక్రటేరియట్, సికింద్రాబాద్ వైపు మూడు మార్గాల్లో భారీ క్రేన్లు ఏర్పాటు చేశారు. ప్రతి విగ్రహ మండపానికి ఒక క్రేన్ నంబర్ కేటాయించారు. ఆ నంబర్ ప్రకారం విగ్రహాలను క్రేన్ వద్దకు పోలీసులు తీసుకెళ్తున్నారు.

హైదరాబాద్ నగరంలో 20,000 నుంచి 25,000 మంది పోలీసు బలగాలు విధుల్లో ఉన్నాయి. సున్నిత ప్రాంతమైన చార్మినార్‌లో పారామిలిటరీ, కేంద్ర బలగాలు మోహరించాయి.

ఖైరతాబాద్ గణపతి శోభాయాత్ర త్వరలో ప్రారంభం కానుంది. ఖైరతాబాద్, బాలాపూర్ విగ్రహాల నిమజ్జనం పూర్తయితే హైదరాబాద్ నిమజ్జనం పూర్తయినట్టు భావిస్తారు. ముఖ్యమంత్రి రేవంత్ రెడ్డి ఏర్పాట్లను పరిశీలించే అవకాశం ఉన్నట్లు రిపోర్టర్ తెలిపారు.