తిరుపతి గోవిందరాజస్వామి బ్రహ్మోత్సవాల్లో ఏడో రోజు సూర్యప్రభ వాహన సేవ

తిరుపతిలోని శ్రీ గోవిందరాజస్వామి వార్షిక బ్రహ్మోత్సవాల్లో ఏడో రోజు సూర్యప్రభ వాహన సేవ జరిగింది. ఉదయం 7 గంటల నుండి 9 గంటల వరకు స్వామివారు తిరుమల నాలుగు మాడవీధుల్లో విహరించారు. భక్తులు కర్పూర హారతులు సమర్పించారు. చెక్క భజనలు, కోలాటాలు, మంగళ వాయిద్యాల మధ్య వాహన సేవ వైభవంగా సాగింది.

ఇదే బ్రహ్మోత్సవాల్లో భాగంగా శ్రీదేవి భూదేవి సమేత శ్రీ గోవిందరాజస్వామి ఉత్సవ మూర్తులకు స్నపన తిరుమంజనం జరిగింది. పాలు, పెరుగు, తేనె, చందనం, వివిధ పండ్ల రసాలతో అభిషేకాలు నిర్వహించారు. రాత్రి చంద్రప్రభు వాహనంపై స్వామివారు మాడవీధుల్లో విహరించారు.

తిరుమలలో ఈ వేసవిలో భక్తుల రద్ది రికార్డు స్థాయిలో కొనసాగుతోంది. మే నెలంతా వైకుంఠం క్యూ కాంప్లెక్స్ లోని 31 కంపార్ట్‌మెంట్లు భక్తులతో నిండిపోయాయి. టోకెన్ లేని భక్తులకు సర్వదర్శనానికి 20 గంటల సమయం పడుతుందని తిరుమల తిరుపతి దేవస్థానం (TTD) అధికారులు తెలిపారు. ప్రత్యేక ప్రవేశ దర్శనానికి 4 గంటలు, సర్వదర్శనం టోకెన్ ఉన్న భక్తులకు 6 గంటల సమయం పడుతుందని పేర్కొన్నారు. ఆదివారం నుండి గురువారం వరకు 4,39,000 మంది భక్తులు దర్శనం చేసుకున్నారు. శుక్రవారం ప్రత్యేక కైంకర్యాలు ఉన్నప్పటికీ 75,000 మందికి పైగా భక్తులు దర్శనం చేసుకున్నారు.