గ్రీన్ గుంటూరు లక్ష్యంగా 20 వేల మొక్కల నాటే ప్రణాళిక ప్రకటించిన కేంద్ర మంత్రి పెమ్మసాని

కేంద్ర మంత్రి పెమ్మసాని చంద్రశేఖర్ గుంటూరు పార్లమెంట్ నియోజకవర్గంలో 20,000 మొక్కలు నాటే ప్రణాళికను ప్రకటించారు. గ్రీన్ గుంటూరు కార్యక్రమంలో భాగంగా ఈ నిర్ణయం తీసుకున్నట్లు ఆయన తెలిపారు. ఎంపి భాష్యం రామకృష్ణ, పలువురు ఎమ్మెల్యేలు, అధికారులు ఈ సందర్భంగా సమావేశంలో పాల్గొన్నారు.

స్థానిక సంస్థలు, సీఎస్ఆర్ నిధులు, స్వచ్ఛంద సంస్థల సహకారంతో ఈ మొక్కల నాటడం చేపడుతున్నట్లు మంత్రి వివరించారు. ప్రతి మొక్కకు ట్రీ గార్డ్ ఏర్పాటు చేయడంతో పాటు మొక్కలను జియో ట్యాగింగ్ చేసి మొబైల్ యాప్ ద్వారా మానిటర్ చేయనున్నారు. 3 అడుగుల ఎత్తు ఉన్న మొక్కలను మాత్రమే నాటడం జరుగుతుందని, ఎక్కడా ప్లాస్టిక్ వాడకం లేకుండా చేస్తామని చెప్పారు.

15వ తేదీ నుంచి సింగిల్ యూస్ ప్లాస్టిక్ వాడకంపై నిషేధం అమలు చేయనున్నారు. రోడ్ల మీద లిట్టరింగ్ చేస్తే జరిమానాలు విధించే విధానం తీసుకొస్తున్నారు. ఖాళీ ప్రదేశాలను పౌరుల ఉపయోగానికి పార్కులుగా తీర్చిదిద్దుతామని కూడా మంత్రి తెలిపారు.

మొక్కలు నాటడం వల్ల పర్యావరణ పరిరక్షణతో పాటు ఉచితంగా ఆక్సిజన్ లభిస్తుందని ఆయన అభిప్రాయపడ్డారు. గుంటూరును ప్రపంచానికి ఆదర్శంగా నిలపాలనే సంకల్పంతో ఈ కార్యక్రమం తలపెట్టినట్లు పేర్కొన్నారు.