గుంటూరు వ్యాపారి 42 ఏళ్లలో 106 సార్లు రక్తదానం చేశారు

గుంటూరుకు చెందిన ఉమామహేశ్వరరావు 42 ఏళ్లలో 106 సార్లు రక్తదానం చేశారు. ఆయన సొంత ఊరు తూర్పు గోదావరి జిల్లా నిడదవోలు. వ్యాపార నిమిత్తం గుంటూరులో స్థిరపడ్డారు.

మిర్చి వ్యాపారంలో ఉన్నారు. సామాజిక సేవా కార్యక్రమాలపై ఆసక్తితో రక్తదానం చేయడం మొదలుపెట్టారు. గత నాలుగు దశాబ్దాలుగా ఎంతో మందికి రక్తాన్ని అందించారు. ఆయన యోగా, ధ్యానంలో నైపుణ్యం సంపాదించి యువతకు శిక్షణ ఇస్తున్నారు.

ఉమామహేశ్వరరావు సేవలను పలు సంస్థలు గుర్తించాయి. గుంటూరు మానవత స్వచ్ఛంద సేవా సంస్థ నుంచి లైఫ్ టైం అచీవ్‌మెంట్ అవార్డు, వైద్యశాఖ మంత్రి సత్యకుమార్ యాదవ్ చేతుల మీదుగా ఉత్తమ రక్తదాత పురస్కారం అందుకున్నారు. ఎన్టీఆర్ ట్రస్ట్ చిరంజీవి బ్లడ్ బ్యాంక్ నుంచి ప్రశంసాపత్రాలు, మానవత సంస్థ బ్రాండ్ అంబాసిడర్ గౌరవం దక్కాయి.