గుంటూరు, కృష్ణా, గోదావరి జిల్లాల్లో భారీ వర్షాలు — విద్యుత్ స్తంభాలు విరిగిపడ్డాయి

మే 29న ఆంధ్రప్రదేశ్‌లోని గుంటూరు, కృష్ణా, తూర్పు గోదావరి, పశ్చిమ గోదావరి జిల్లాల్లో భారీ వర్షాలు కురిశాయి. ఈదురు గాలులతో కూడిన వర్షానికి చెట్లు నేలకొరిగాయి. విద్యుత్ స్తంభాలు విరిగిపడి పలు ప్రాంతాల్లో కరెంట్ సర్ఫరాకి అంతరాయం కలిగింది.

తెనాలిలో గంట పాటు ఈదురు గాలులతో కూడిన వర్షం పడింది. రోడ్లు, లోతట్టు ప్రాంతాలు నీట మునిగాయి. గుడివాడలో కూడా భారీ వర్షంతో రోడ్లు నీట మునిగాయి. కరెంట్ నిలిచిపోవడంతో గుడివాడ చీకట్లో మునిగింది.

విజయవాడ, మచిలీపట్నం, తిరువూరు, మైలవరం ప్రాంతాల్లో ఈదురు గాలుల వల్ల విద్యుత్ స్తంభాలు విరిగిపడ్డాయి. చెట్లు రోడ్లపై కూలిపోయాయి. రాజమండ్రిలో కూడా వర్షానికి రోడ్లు జలమయమయ్యాయి. విద్యుత్ సర్ఫరా నిలిచిపోయింది.

పశ్చిమ గోదావరి జిల్లాలో అధికారులు ముందుగానే విద్యుత్ సర్ఫరా ఆపారు. అల్లూరి సీతారామరాజు జిల్లా పాడేరులో వడగళ్ళతో కూడిన వర్షం పడింది. అరకు, చింతపల్లిలో కూడా వర్షం కురిసింది.

మార్కాపురం జిల్లా గిద్దలూరులో శ్రీ పాతాళ నాగేశ్వర స్వామి దేవస్థానం ప్రాంగణంలో 120 సంవత్సరాల పాత రావి చెట్టు కూలిపోయింది. ఖమ్మం జిల్లా ఇల్లందులో కూడా చెట్లు, విద్యుత్ స్తంభాలు రోడ్లపై పడ్డాయి.

తెలంగాణ వ్యాప్తంగా అధిక ఉష్ణోగ్రతల నేపథ్యంలో వాతావరణ శాఖ Orange Alert జారీ చేసింది. మరో రెండు రోజుల్లో అధిక ఉష్ణోగ్రతలు నమోదయ్యే అవకాశముందని తెలిపింది. ఏపీలోని పలు జిల్లాల్లో 45 డిగ్రీలకు పైగా ఉష్ణోగ్రతలు నమోదయ్యే అవకాశముందని IMD తెలిపింది.