నల్గొండ సైకయాట్రిస్ట్ డాక్టర్ హరీష్ పిన్నోజు అనాధ ఆశ్రమానికి మందుల విరాళం

డాక్టర్ హరీష్ పిన్నోజు, నల్గొండ జిల్లాకు చెందిన కన్సల్టెంట్ సైకయాట్రిస్ట్. ఆయన ఫేస్బుక్ ద్వారా అమ్మా నాన్న అనాధ ఆశ్రమం గురించి తెలుసుకున్నారు. మూడు నెలల క్రితం ఆశ్రమాన్ని సందర్శించినప్పుడు అక్కడ శుభ్రత, నిర్వహణ బాగుండటం చూశారు.

ఆ తర్వాత, ఆశ్రమంలో ఉన్నవారికి మందుల అవసరం ఉందని గ్రహించారు. తన ఫార్మా పరిచయస్తుల సహాయంతో బీపీ, షుగర్, ఫిట్స్ టాబ్లెట్లను, బలం గోలీలు, సిరప్స్ వంటి విలువైన మందులను సేకరించారు.

ఈ రోజు ఆ మందులను ఆశ్రమానికి తెచ్చి అందించారు. ఇలాంటి సహాయ కార్యక్రమాలు మళ్లీ చేయాలని ఆయన ఆకాంక్షించారు. ఈ అవకాశం దక్కినందుకు సంతోషంగా ఉన్నట్లు తెలిపారు.