ఆయుష్మాన్ కురానాకు లారెన్స్ బిష్నోయ్ గ్యాంగ్ పేరుతో బెదిరింపు ఆడియో

బాలీవుడ్ నటుడు ఆయుష్మాన్ కురానాకు కోట్లాది రూపాయలు డిమాండ్ చేస్తూ బెదిరింపు ఆడియో సందేశం వచ్చింది. తాము లారెన్స్ బిష్నోయ్ గ్యాంగ్ సభ్యులమని చెప్పుకుంటూ గుర్తు తెలియని వ్యక్తి ఈ వాయిస్ మెసేజ్ పంపినట్టు సమాచారం.

ఈ ఆడియో క్లిప్ అందుకున్న ముంబై పోలీసులు దర్యాప్తు చేపట్టారు. కాలర్ నిజంగా ఆ గ్యాంగ్‌కు చెందినవాడా, లేక గ్యాంగ్ పేరు ఉపయోగించి భయపెట్టేందుకు ప్రయత్నిస్తున్నారా అనే కోణంలో పోలీసులు ఆడియో రికార్డులను పోల్చి చూస్తున్నారు.

కొద్ది రోజుల క్రితం నటుడు తుషార్ కపూర్‌తో సహా పలువురు ప్రముఖులకు ఇలాంటి బెదిరింపు కాల్స్ వచ్చినట్టు తెలిసింది. ఈ నేపథ్యంలో బాలీవుడ్ ప్రముఖుల భద్రతపై ముంబై పోలీసులు అప్రమత్తమైనట్టు సమాచారం.

ప్రస్తుతం ఈ ఆడియో క్లిప్‌పై ప్రాథమిక విచారణ కొనసాగుతోంది. ఆడియో రికార్డుల పరిశీలన కూడా జరుగుతోంది.