AP, తెలంగాణలో తీవ్ర వడగాళ్ళు — పల్నాడులో 48.1°C రికార్డు

ఆంధ్రప్రదేశ్‌లో పల్నాడు జిల్లా పిడుగురాళ్ళలో 48.1°C ఉష్ణోగ్రత నమోదైంది. ఇది రాష్ట్రంలో అత్యధిక గరిష్ట ఉష్ణోగ్రత.

బాపట్ల జిల్లా వేటపాలెం, కృష్ణా జిల్లా నందివాడలో 47.6°C నమోదైంది. NTR జిల్లా తొర్రగుడిపాడు, ప్రకాశం జిల్లా అద్దంకిలో 47.4°C కొట్టింది. ఏలూరు జిల్లా అల్లిపల్లిలో 47.3°C నమోదైంది.

AP లో 18 జిల్లాల్లో 45°C కు పైగా, 20 జిల్లాల్లో 200 మండలాల్లో 44°C కు పైగా ఉష్ణోగ్రతలు నమోదయ్యాయి. వాతావరణ శాఖ వచ్చే సోమవారం వరకు ఎండ తీవ్రత కొనసాగుతుందని హెచ్చరించింది.

తెలంగాణలో ఆదిలాబాద్, నిర్మల్, మంచిర్యాల, కొమరమీడు జిల్లాల్లో 46°C కు పైగా ఉష్ణోగ్రతలు నమోదవుతున్నాయి. నిర్మల్ జిల్లా దిల్వార్పూర్‌లో 46.5°C, మంచిర్యాల జిల్లా దేవలవాడలో 46.3°C, ఆదిలాబాద్ జిల్లా జైనద్‌లో 46.2°C నమోదైంది.

ఆదిలాబాద్ జిల్లా దేవాపూర్‌లో ఒక వ్యవసాయ కూలి వడదెబ్బతో మరణించారు. నిర్మల్ జిల్లా బైన్సా, మంచిర్యాల జిల్లాలోనూ వడదెబ్బ మరణాలు సంభవించాయి.

మధ్యాహ్న వేళలో బయటకు రావద్దని అధికారులు సూచిస్తున్నారు. అవసరమైతే towel, scarf, cap ధరించి బయటకు రావాలని చెప్తున్నారు. నీరు తక్కువగా తాగితే dehydration వల్ల వడదెబ్బ సోకే ప్రమాదం ఉందని వైద్యులు హెచ్చరిస్తున్నారు. MGNREGA కూలీలు మధ్యాహ్నం పని మానుకుని ఉదయం లేదా సాయంత్రం పని చేయాలని జిల్లా అధికారులు సూచించారు.