భారీ వర్షంతో పెద్దపల్లిలో సింగరేణి బొగ్గు ఉత్పత్తి నిలిచిపోయింది

పెద్దపల్లి జిల్లాలో రాత్రి నుంచి కురుస్తున్న భారీ వర్షానికి రోడ్లు జలమయమయ్యాయి. లోతట్టు ప్రాంతాలు నీట మునిగాయి. గోదావరి కని పట్టణంలో మోకాలోతు వరద వచ్చింది.

సింగరేణి సంస్థ రామగుండం పరిధిలోని ఓపెన్‌కాస్ట్ గనిలో బొగ్గు ఉత్పత్తి నిలిచిపోయింది. గనుల్లోకి వెళ్లే రోడ్లు బురదతో నిండిపోవడంతో వాహనాల రాకపోకలు నిలిచిపోయాయి. 50,000 టన్నుల బొగ్గు ఉత్పత్తికి అంతరాయం ఏర్పడిందని అధికారులు తెలిపారు.

వర్షం ఆగిన తర్వాత మాత్రమే ఉత్పత్తి పునఃప్రారంభించేందుకు వీలవుతుందని వారు వివరించారు. గతంలో వర్షాభావంతో ఇబ్బందులు ఎదుర్కొన్న రైతులు ప్రస్తుత వర్షాలకు సంతోషం వ్యక్తం చేస్తున్నారు.