హర్యానాలో భారీ వర్షాలు: అంబాలా జిల్లాలో రోడ్లు జలమయం, రాకపోకలు నిలిచిపోయాయి

హర్యానాలోని అంబాలా జిల్లాలో కురుస్తున్న భారీ వర్షాల కారణంగా రాకపోకలు నిలిచిపోయాయి. జాచర్ ప్రాంతంలో ఎడతెరిపి లేకుండా వర్షం కురుస్తోంది.

దీంతో రహదారులన్నీ చెరువును తలపించాయి. లోతట్టు ప్రాంతాలు వరదలో చిక్కుకున్నాయి. రోడ్లపై మోకాలలోతు నీరు నిలిచింది.

రాకపోకలకు తీవ్ర అంతరాయం ఏర్పడింది. వాహనదారులు తీవ్ర ఇబ్బందులు ఎదుర్కొంటున్నారు. దీనిపై అధికారిక స్పందన తెలియాల్సి ఉంది.