తెలంగాణలో భారీ వర్షాలు: హైదరాబాద్‌కు ఆరెంజ్ అలర్ట్, జిల్లాల్లో ఎల్లో అలర్ట్

తెలంగాణ రాష్ట్రంలో ఆదివారం భారీ వర్షాలు కురిశాయి. వాతావరణ శాఖ హైదరాబాద్, మహబూబాబాద్, నిజామాబాద్, మెడ్చల్, యాదాద్రి భువనగిరి, రంగారెడ్డి జిల్లాలకు ఆరెంజ్ అలర్ట్ జారీ చేసింది.

హైదరాబాద్‌లోని పంజాగుట్ట, బేగంపేట, సికింద్రాబాద్, పట్నీ సెంటర్, జేబీఎస్ ప్రాంతాల్లో వరద నీరు నిలిచింది. దీంతో వాహనదారులు తీవ్ర ఇబ్బందులు ఎదుర్కొన్నారు.

వాతావరణ శాఖ అధికారులు మిగతా జిల్లాలకు ఎల్లో అలర్ట్ ప్రకటించారు. వర్షాలు కొనసాగే అవకాశం ఉన్నందున ప్రజలు అప్రమత్తంగా ఉండాలని సూచించారు.