HP ఓమ్నీబుక్ అల్ట్రా కోపైలట్+ PC లాంచ్: AI చేతన్య ల్యాప్టాప్ ఫీచర్లు, ధర వివరాలు

HP తమ సరికొత్త AI ల్యాప్టాప్ ను భారత మార్కెట్లో విడుదల చేసింది. HP ఓమ్నీబుక్ అల్ట్రా కోపైలట్+ PC పేరుతో లాంచ్ అయిన ఈ ల్యాప్టాప్ కేవలం 1.27 కిలోల బరువుతో చాలా స్లిమ్ డిజైన్ లో వచ్చింది. ఇందులో 14 అంగుళాల OLED టచ్ డిస్ప్లే ఇవ్వబడింది. 16:10 యాస్పెక్ట్ రేషియో, 100% DCI-P3 కలర్ ఖచ్చితత్వం, 500 నిట్స్ బ్రైట్ నెస్, హానికర బ్లూ లైట్ ను తగ్గించే HP Eye Ease టెక్నాలజీ వంటివి ఇందులో ఉన్నాయి.

పెర్ఫామెన్స్ విషయానికొస్తే, ఇది Intel Core Ultra 7 ప్రాసెసర్, Intel AI Boost తో 50 TOPS AI పనితీరును అందిస్తుంది. 16GB LPDDR5x RAM, 1TB SSD స్టోరేజ్ ఇవ్వగా, Intel Core Ultra 9 వేరియంట్ కూడా అందుబాటులో ఉంటుంది. ఇది Microsoft Copilot+ PC స్టాండర్డ్ కి అనుగుణంగా రూపొందించబడింది. ఇన్‌బిల్ట్ AI ఫీచర్లలో టాస్క్ గ్రూప్స్, ప్రెజెన్స్ సెన్సింగ్ (వెనుక నుంచి ఎవరైనా వస్తే స్క్రీన్ ఆటోమెటిక్ గా మసక బారుతుంది), తల కదిలిస్తే కర్సర్ మూవ్ అయ్యే Look to Move, కంటెంట్ రీకాల్, క్లిక్ టు డూ వంటి అనేక AI సామర్థ్యాలు ఉన్నాయి. క్రియేటర్స్ కోసం అడోబి ప్రీమియర్ ప్రో, ఫోటోషాప్ వంటి యాప్స్ లో AI యాక్సిలరేషన్, స్పీచ్ టు టెక్స్ట్ ట్రాన్స్క్రిప్ట్ కూడా చక్కగా పనిచేస్తుంది.

బ్యాటరీ లైఫ్ 22.75 గంటల వీడియో ప్లేబ్యాక్ వరకు ఉండగా, కొత్త 65W GaN ఛార్జర్ తో 45 నిమిషాల్లో 50% ఛార్జ్ అవుతుంది. మిలిటరీ గ్రేడ్ డ్యూరబిలిటీ, 20 కి పైగా మిలిటరీ స్టాండర్డ్ టెస్ట్లు, 25,000 గంటల HP నాణ్యత పరీక్షలు ఈ ల్యాప్టాప్ ని బలమైనదిగా చేశాయి. USB-C థండర్‌బోల్ట్ పోర్ట్లు, కాంబీ హెడ్‌ఫోన్ జాక్, వై-ఫై, బ్లూటూత్ లతో కనెక్టివిటీ కూడా మెరుగ్గా ఉంది.

ధర వివరాలు: ఈ ల్యాప్టాప్ ధర ₹2,21,999 గా నిర్ణయించబడింది. అయితే లాంచ్ ఆఫర్ల కింద ₹42,000 వరకు డిస్కౌంట్ (₹12,000 బ్యాంక్ క్యాష్‌బ్యాక్, ₹30,000 వరకు ఎక్స్‌చేంజ్ సేవింగ్స్) లభిస్తాయి. 24 నెలల నో-కాస్ట్ EMI నెలకు ₹797 మాత్రమే. 3 సంవత్సరాల వారంటీ, 3 సంవత్సరాల యాంటీవైరస్, 3 సంవత్సరాల యాక్సిడెంటల్ డ్యామేజ్ ప్రొటెక్షన్ కేవలం ₹499 కి అందుబాటులో ఉంటాయి. మైక్రోసాఫ్ట్ ఆఫీస్ లైఫ్‌టైమ్ ఫ్రీ, అడోబి క్రియేటివ్ సూట్ ₹299, 2 నెలల PC గేమ్ పాస్ ఫ్రీ వంటి అదనపు ఆఫర్లు కూడా ఉన్నాయి. విద్యార్థులు, క్రియేటర్స్, గేమర్స్ కు ఇది ఒక ఆకర్షణీయమైన ఛాయిస్ గా మారనుంది.