గోవా అండర్-21 ట్రోఫీలో హైదరాబాద్ బ్లాక్ హాక్స్ విజయవంతమైన ఆరంభం

Prime Volleyball League ఫ్రాంచైజీ హైదరాబాద్ బ్లాక్ హాక్స్ గోవా వేదికగా జరుగుతున్న అండర్-21 గోవా గార్డియన్స్ ట్రోఫీలో శుభారంభం చేసింది. శుక్రవారం జరిగిన తొలి మ్యాచ్‌లో బెంగళూరు జట్టును 3-0తో ఓడించింది.

ట్రోఫీకి ముందు బ్లాక్ హాక్స్ జట్టు ఆంధ్రప్రదేశ్‌లోని విజయవాడలో అండర్-21 ట్రయల్స్ నిర్వహించింది. దాదాపు 180 మంది పేర్లు నమోదు చేసుకోగా, 105 మంది ట్రయల్స్‌లో పాల్గొన్నారు.

వీరిలో ప్రతిభ చూపిన 12 మందిని తుది జట్టుకు ఎంపిక చేశారు. ఇందులో నలుగురు తెలుగు క్రీడాకారులు ఉన్నారు. గుంటూరుకు చెందిన కార్తీక్, విశాఖపట్నానికి చెందిన దీమన్, పెద్దపల్లికి చెందిన సున్రిక్, వరంగల్కు చెందిన అక్షిత్‌లకు స్థానం దక్కింది.

ఇతర ఎంపికైన వారిలో ఉత్తరప్రదేశ్, హర్యాణా, జమ్మూ కాశ్మీర్, మధ్యప్రదేశ్, కర్ణాటక, తమిళనాడు క్రీడాకారులు ఉన్నారు. ఈ ట్రోఫీలో బ్లాక్ హాక్స్‌తో సహా VPL లోని 10 జట్లు పోటీ పడుతున్నాయి. యువ క్రీడాకారులకు తమ ప్రతిభ చూపేందుకు ఈ టోర్నీ మంచి అవకాశం కల్పిస్తోంది.