హైదరాబాద్‌లో నాలాలు పొంగుతున్నాయి: GHMC కోట్ల ఖర్చు ఫలితం లేదు

హైదరాబాద్‌లో ప్రతి వర్షాకాలంలో నాలాలు పొంగి రోడ్లపై నీరు చేరుతోంది. ఈ సమస్యకు నాలాల్లో చెత్త, ప్లాస్టిక్, థర్మాకోల్ పేరుకుపోవడం ప్రధాన కారణమని ఒక గ్రౌండ్ రిపోర్టు వెల్లడించింది. GHMC ప్రతి ఏటా నాలాల శుభ్రత కోసం కోట్లాది రూపాయలు ఖర్చు చేస్తున్నా, చాలా ప్రాంతాల్లో ఇంకా చెత్త తొలగింపు జరగలేదు.

ఖైరతాబాద్‌లోని ఆనంద నగర్, చింతలబస్తీ ప్రాంతాల నుంచి వచ్చే నాలా పూర్తిగా చెత్తతో నిండిపోయింది. నీరు స్లోగా వెళ్తుండటంతో భారీ వర్షం పడితే నాలా పొంగి చుట్టుపక్కల రోడ్లను ముంచే ప్రమాదం ఉంది. ప్లాస్టిక్ కవర్లు, బాటిల్స్, ఆసుపత్రి వ్యర్థాలు కూడా నాలాలో చేరాయి.

ఓల్డ్ సిటీలోని ఆగాపుర నాలా వద్ద 200 మీటర్ల మేర చెత్త పేరుకుపోయింది. గత 2-3 ఏళ్లుగా ఈ నాలా శుభ్రం చేయలేదని స్థానికులు చెప్పారు. JCB ప్రవేశించలేని ఇరుకైన ప్రాంతం కావడంతో 20-30 మంది కార్మికులు నడుము లోతు నీళ్లలో దిగి మాన్యువల్‌గా చెత్త తొలగిస్తున్నారు. మట్టి, ప్లాస్టిక్, పాతబట్టలు, తీగలు తీసి టిప్పర్ల ద్వారా పంపిస్తున్నారు.

కేవలం 2 సెంటీమీటర్ల వర్షం ఒక గంట పడితే చాలు నాలాలు పొంగిపొర్లుతున్నాయని, దీంతో లోయింగ్ ఏరియాలు నీట మునిగిపోతున్నాయని నివేదిక తెలిపింది. నాలాల నిర్వహణపై అధికారులు ప్రత్యేక దృష్టి పెట్టాలని, ప్రజలు కూడా నాలాల్లో చెత్త వేయకుండా జాగ్రత్తలు తీసుకోవాలని సూచించింది.