హైదరాబాద్ ఈగల్స్ చాంపియన్స్ తొలి టైటిల్ గెలిచింది

హైదరాబాద్ క్రికెట్ అసోసియేషన్ నిర్వహించిన తొలి T20 లీగ్‌లో హైదరాబాద్ ఈగల్స్ చాంపియన్స్ జట్టు టైటిల్ గెలుచుకుంది. ఫైనల్‌లో విజయం సాధించిన అనంతరం ఆటగాళ్ళు సంతోషం వ్యక్తం చేశారు.

ఓపెనర్ సాయి వికాస్, మ్యాచ్ విన్నర్‌గా నిలిచిన వైష్ణవ్ రెడ్డి, వైస్ కెప్టెన్, పర్పుల్ క్యాప్ హోల్డర్ అజయ్ దేవ్ గౌడ్ తదితరులు టీం ఎఫర్ట్ కారణంగానే ట్రోఫీ సాధించామని చెప్పారు. క్వాలిఫైయర్-1 లో ఓడినా, క్వాలిఫైయర్-2 లో గెలిచి ఫైనల్ చేరామని, ప్రతి మ్యాచ్‌లో తప్పులు సరిదిద్దుకుంటూ ముందుకు వెళ్ళామని వారు వివరించారు.

టీం బాండింగ్, కోచింగ్ స్టాఫ్, యాజమాన్యం ఇచ్చిన ప్రోత్సాహం విజయానికి కీలకమని ఆటగాళ్ళు పేర్కొన్నారు. మహబూబ్‌నగర్ నుంచి వచ్చిన గణేష్ గిడుగు, శ్రీలంక టూర్ నుంచి తిరిగి వచ్చిన యశ్వీర్ గౌడ్, ఫైనల్ లో విన్నింగ్ షాట్ కొట్టిన ప్రణవ్ వర్మ కూడా తమ అనుభవాలు పంచుకున్నారు.

ఈ లీగ్ తెలంగాణ క్రికెటర్లకు పెద్ద వేదిక అని, జిల్లా స్థాయి నుంచి ఆటగాళ్ళు వెలుగులోకి వస్తారని అజయ్ దేవ్ గౌడ్ అభిప్రాయపడ్డారు. మొత్తం మొదటి సీజన్‌లోనే భారీ జనసమూహం ఫైనల్‌ను తిలకించడం విశేషం.