రైల్లో పూజా వీడియోపై ఉత్తర రైల్వే వివరణ: ప్రైవేట్ సెలూన్ కార్‌లో జరిగిన ఆచారాలే

ఓ ప్రయాణికుడు రైలు బోగీలో పూజారి పూజా కార్యక్రమాలు నిర్వహిస్తున్న వీడియో సోషల్ మీడియాలో వైరల్ కావడంతో ఉత్తర రైల్వే స్పందించింది.

జూలై 10న న్యూఢిల్లీ నుండి ముంబైకి వెళ్లే పశ్చిమ ఎక్స్‌ప్రెస్‌లో ఈ సంఘటన జరిగింది. వీడియోలో పూజారి నేలపై కూర్చొని మంత్రాలు పటిస్తూ అభిషేకం చేస్తుండగా, తెల్ల దుస్తులు ధరించిన కొందరు చుట్టూ కూర్చుని ఉండడం కనిపించింది. నెటిజన్లు భారతీయ రైల్వేపై ప్రశ్నలు సంధించారు.

ఉత్తర రైల్వే తన ప్రకటనలో, వైరల్ అవుతున్న వీడియో సాధారణ ప్రయాణీకుల కోచ్‌కు సంబంధించింది కాదని స్పష్టం చేసింది. ఇది ఒక ప్రైవేట్ పార్టీ IRCTC ద్వారా బుక్ చేసుకున్న లగ్జరీ సెలూన్ కార్ అని తెలిపింది. జూలై 8న వాణిజ్య బుకింగ్ విధానంలో రిజర్వు చేసుకున్న ఈ కోచ్ కోసం సుమారు రూ.3,80,000 చెల్లించినట్టు రైల్వే అధికారులు వివరించారు.

సెలూన్ కార్‌లు సాధారణంగా రైల్వే ఉన్నతాధికారులు అత్యంత విలాసవంతమైన కోచ్‌లు, ఇందులో AC బెడ్‌రూమ్లు, కిచెన్, లివింగ్ రూమ్, డైనింగ్ హాల్ వంటి సౌకర్యాలు ఉంటాయి. 2018 నుంచి సాధారణ ప్రజలు కూడా పెళ్ళిళ్లు, కార్పొరేట్ టూర్స్‌కు వీటిని బుక్ చేసుకునే వెసులుబాటు రైల్వే కల్పించింది. ఉత్తర రైల్వే మరింత స్పష్టీకరిస్తూ, ఈ ఘటన వల్ల ఎలాంటి ఇబ్బంది కలుగలేదని, ప్రయాణికుల భద్రతకు తాము అత్యంత ప్రాధాన్యతనిస్తామని తెలిపింది.