యాదాద్రి జిల్లాలో SIR ఫార్మ్ వెరిఫికేషన్ పేరుతో వృద్ధురాలికి బంగారు గొలుసు చోరీ

యాదాద్రి భువనగిరి జిల్లా బేబీ నగర్‌లో SIR ఫార్మ్ వెరిఫికేషన్ పేరుతో గుర్తుతెలియని వ్యక్తులు ఒక వృద్ధ మహిళ నుంచి మూడు తొలాల బంగారు గొలుసు చోరీ చేశారు.

పోలీసుల కథనం ప్రకారం, ఇద్దరు యువకులు వృద్ధురాలి ఇంటికి వచ్చి, SIR ఫార్మ్ వెరిఫికేషన్ నిమిత్తం ఫోటో తీసుకోవాలని చెప్పారు. ఫోటోలో బంగారు గొలుసు కనిపిస్తే సరిగా రాదని నమ్మించి, ఆ గొలుసును తీసి పక్షవాతంతో బాధపడుతున్న ఆమె భర్తకు ఇచ్చేలా చేశారు. ఆ తర్వాత వృద్ధురాలిని సమీపంలోని గుడి వద్ద అధికారులు ఉన్నారని చెప్పి అక్కడికి తీసుకువెళ్లారు.

ఆమె ఇంటికి తిరిగి వచ్చేసరికి, ఆ యువకులు ఇంట్లో ఉన్న భర్త నుంచి గొలుసు తీసుకొని పారిపోయినట్లు తెలిసింది. తాను మోసపోయిన విషయాన్ని గ్రహించిన బాధిత మహిళ పోలీసులకు ఫిర్యాదు చేసింది. పోలీసులు కేసు నమోదు చేసుకుని దర్యాప్తు చేపట్టారు.