డబ్బా ధరంపల్లి గ్రామంలో రెండు నెలలుగా మిషన్ భగీరథ నీటి సరఫరా లేదు; నిరసన

ఆసిఫాబాద్ జిల్లాలోని చింతలమానేపల్లి మండలం డబ్బా ధరంపల్లి గ్రామంలో గత రెండు నెలలుగా మిషన్ భగీరథ నీటి సరఫరా లేదు. నీటి కోసం గ్రామ మహిళలు ఖాళీ బిందెలతో ప్రధాన రహదారిపై నిరసన చేపట్టారు.

స్థానికులు చెప్పిన వివరాల ప్రకారం, మిషన్ భగీరథ నుంచి నీరు రావడం నిలిచిపోయి రెండు నెలలైంది. ఈ సమస్యను స్థానిక అధికారులకు పలుమార్లు తెలియజేసినా, ఎటువంటి చర్యలు తీసుకోలేదని వారు ఆవేదన వ్యక్తం చేశారు.

గ్రామంలో బోర్లు ఉన్నప్పటికీ, విద్యుత్ సమస్యలు, తక్కువ నీటి మట్టం కారణంగా తాగునీటి ఇబ్బందులు తీవ్రమయ్యాయి. రెండు నెలలుగా వర్షాలు కూడా పడలేదని గ్రామస్తులు తెలిపారు.

ఈ ఘటనపై అధికారుల నుండి ఎలాంటి స్పందన రాలేదు. నీటి సరఫరా పునరుద్ధరించాలని గ్రామస్థలు డిమాండ్ చేస్తున్నారు. ఈ నిరసనతో స్థానికంగా ఉద్రిక్తత నెలకొన్నది.