ప్రముఖ గాయని ఎస్. జానకి (88) కన్నుమూత

ప్రముఖ నేపథ్య గాయని ఎస్. జానకి (88) శనివారం రాత్రి మృతి చెందారు. శ్వాసకోశ సమస్యలతో కర్ణాటకలోని మైసూరులోని ఓ ప్రైవేటు ఆస్పత్రిలో వారం రోజుల పాటు చికిత్స పొందుతూ ఆమె తుదిశ్వాస విడిచారు.

1938 ఏప్రిల్ 23న అవిభక్త గుంటూరు జిల్లా రేపల్లె తాలూకా పల్లపట్ల గ్రామంలో జన్మించిన జానకి, చిన్నతనంలో సిరిసిల్లలో పెరిగారు. తండ్రి శ్రీరామమూర్తి ఉద్యోగరీత్యా కుటుంబం సిరిసిల్లకు మారింది. సంగీతంలో ఆసక్తితో చిన్నాన్న సూచన మేరకు 1950లో చెన్నై వెళ్లి పైడిస్వామి వద్ద శాస్త్రీయ సంగీతం అభ్యసించారు.

1957లో తొలి సినీ గీతం ఆలపించిన జానకి, ఆపై తెలుగు, తమిళ, కన్నడ, మలయాళం భాషల్లో వేలాది పాటలు పాడారు. వందల కొద్దీ భక్తి గీతాలు కూడా ఆమె స్వరంతో ప్రాచుర్యం పొందాయి. వేములవాడ శ్రీ రాజరాజేశ్వర స్వామి సన్నిధిలో కూడా ఆమె పలు సందర్భాల్లో పాటలు పాడారు.

ఆమె మృతి పట్ల చిత్రసీమలో విషాదం నెలకొంది. ఆమె గానం సంగీత ప్రియులకు మధురానుభూతిని అందించిందని, ఆమె లేని లోటు తీరనిదని అభిమానులు అభిప్రాయపడుతున్నారు.