గన్నవరం ఎమ్మెల్యే యార్లగడ్డ వెంకట్రావు ప్రభుత్వ కాంట్రాక్టుపై తీవ్ర విమర్శలు

గన్నవరం ఎమ్మెల్యే యార్లగడ్డ వెంకట్రావు తన ప్రభుత్వంపై తీవ్ర అసంతృప్తి వ్యక్తం చేశారు. గన్నవరం విమానాశ్రయం టెర్మినల్ భవన నిర్మాణంలో మిగిలిన 20 శాతం పనికి రూ.206 కోట్ల కాంట్రాక్ట్ ఇవ్వడంపై ఆయన అభ్యంతరం తెలిపారు.

ఈ కాంట్రాక్టు నార్త్ ఇండియన్ కాంట్రాక్టర్‌కు దక్కిందని, కేవలం 20 శాతం పనులకు ఇంత ఎక్కువ మొత్తం ఎలా కేటాయించారని ప్రశ్నించారు. గతంలో 80 శాతం పనులు పూర్తిచేసిన అదే కాంట్రాక్టర్‌కు రూ.300 కోట్లు చెల్లించామని, ఇప్పుడు 20 శాతం పనులకు రూ.130 కోట్లకు టెండర్ పిలిచి, ఎవరూ ముందుకు రాకపోవడంతో పలుమార్లు టెండర్ పిలిచి రూ.206 కోట్లకు కాంట్రాక్ట్ మంజూరు చేయడం అనుమానాస్పదంగా ఉందని ఎమ్మెల్యే ఆరోపించారు.

దీనిని తన రాజకీయ ప్రత్యర్థికి లొంగిపోయి చేస్తున్నారని, తనపై యుద్ధం చేసినందుకు తనకు గిఫ్ట్ ఇస్తున్నారని వ్యాఖ్యానించారు. ఈ విషయంపై ప్రభుత్వం స్పందన తెలియాల్సి ఉంది.