హైదరాబాద్‌లో ఫుడ్ కల్తీ ఆరోపణలపై కిరాణా అసోసియేషన్‌ చర్యలు; సభ్యుల బహిష్కరణ, రాష్ట్రవ్యాప్త టాస్క్‌ఫోర్స్ కు విజ్ఞప్తి

హైదరాబాద్ లో ఫుడ్ కల్తీ కేసుల నేపథ్యంలో హైదరాబాద్ కిరాణా మర్చంట్స్ అసోసియేషన్ కీలక నిర్ణయం తీసుకుంది. ఇటీవల బేగం బజార్ సమీపంలోని మైలార్ దేవ్ పల్లి, బార్కస్ ప్రాంతాల్లో ఆహార పదార్థాల్లో కల్తీ, పాలిషింగ్, నాన్-ఎడిబుల్ కలరింగ్ వంటి అక్రమాలకు పాల్పడుతున్న వ్యాపారులపై చర్యలు తీసుకున్నారు. జీహెచ్ఎంసీ ఫుడ్ సేఫ్టీ ఆఫీసర్లు, హచా ఫాస్ట్ టాస్క్ ఫోర్స్ నిర్వహించిన తనిఖీల్లో ఈ కల్తీలు బయటపడ్డాయి.

ఈ పరిణామాలపై అసోసియేషన్ జనరల్ బాడీ సమావేశం నిర్వహించింది. ఈ సందర్భంగా ఏ రకమైన కల్తీ వ్యాపారానికి తాము మద్దతివ్వబోమని, ప్రోత్సహించబోమని సభ్యులు ఏకగ్రీవంగా తీర్మానించారు. ఆహార కల్తీకి పాల్పడిన సభ్యుల్ని అసోసియేషన్ నుంచి తొలగించాలని నిర్ణయించారు.

అసోసియేషన్ అధ్యక్షుడు మాట్లాడుతూ, నగర స్థాయిలో మాత్రమే కాకుండా జిల్లా స్థాయిల్లోనూ ఫుడ్ సేఫ్టీ చట్టాలను కఠినంగా అమలు చేయాలని కోరారు. ప్రస్తుతం జీహెచ్ఎంసీ పరిధిలో మాత్రమే పనిచేస్తున్న హచా ఫాస్ట్ టాస్క్ ఫోర్స్ ను రాష్ట్రవ్యాప్తం చేస్తూ ‘తెలంగాణ ఫాస్ట్’ గా మార్చాలని పోలీస్ కమిషనర్, డీజీపీలకు విజ్ఞప్తి చేశారు. జిల్లా స్థాయిల్లోనూ ఇలాంటి ప్రత్యేక టాస్క్ ఫోర్స్ లు ఏర్పాటు చేస్తే కల్తీ వ్యాపారం పూర్తిగా అరికట్టవచ్చునని సూచించారు.