హైదరాబాద్ POCSO కోర్టు: బాలికల అక్రమ రవాణా కేసులో 33 మందికి శిక్ష

2015లో నమోదైన బాలికల అక్రమ రవాణా కేసులో హైదరాబాద్ POCSO సెషన్స్ కోర్టు 33 మందికి శిక్ష విధించింది.

ఐదుగురు నిందితులకు జీవిత ఖైదు విధించారు. ముగ్గురికి 14 ఏళ్ల కఠిన కారాగార శిక్ష విధించారు. మరో 14 మందికి 10 ఏళ్ల కఠిన కారాగార శిక్ష విధించారు. 11 మందికి మూడేళ్ల కఠిన కారాగార శిక్ష విధించారు.

ఉద్యోగం ఇప్పిస్తామని నమ్మించి బాలికలను అక్రమంగా తరలించినట్టు CID పోలీసులు కేసు నమోదు చేశారు. నిందితుల ఆధీనంలో ఒక బాధితురాలు నాలుగు నెలలు ఉన్నట్టు పోలీసులు తెలిపారు. వ్యభిచార గృహాలపై దాడులు చేసి తొమ్మిది మంది మైనర్ బాలికలను పోలీసులు విడిపించారు.

ఈ కేసులో A1 నుంచి A45 వరకు నిందితులను అదుపులోకి తీసుకున్నారు. POCSO, IPC, Immoral Traffic Act కింద కేసులు నమోదు చేశారు. 11 ఏళ్ల తర్వాత కోర్టు తీర్పు వెలువరించింది.

కోర్టు విధించిన జరిమానాలను బాధితులకు పరిహారంగా ఇవ్వాలని ఆదేశించింది. తొమ్మిది మంది బాలికలకు ఒక్కొక్కరికి ₹5 లక్షలు అందించనున్నట్టు అధికారులు తెలిపారు.