హైదరాబాద్‌లో రాఖీల తయారీ వ్యాపారం: 25 వేలతో మొదలై రూ.3 కోట్ల టర్నోవర్

హైదరాబాద్‌లోని అంబర్‌పేట్‌లో యాదవ్ రాఖీవాలా పేరుతో రాఖీల తయారీ, హోల్సేల్ వ్యాపారం నడుస్తోంది. ఈ వ్యాపారాన్ని 1992లో చంద్రకాంత్ యాదవ్ తండ్రి ప్రారంభించారు. ప్రస్తుతం చంద్రకాంత్ యాదవ్ దీన్ని నిర్వహిస్తున్నారు.

రాఖీల ధరలు 50 పైసల నుంచి రూ.1000 వరకు ఉన్నాయి. ఢిల్లీ, రాజ్‌కోట్, ముంబై, కోల్‌కతా నుంచి ముడి పదార్థాలు తెస్తారు. వీటితో 150 నుంచి 200 మంది మహిళలు రాఖీలు తయారు చేస్తున్నారు. పండగకు ఆరు నెలల ముందు నుంచి తయారీ మొదలవుతుంది.

ఈ వ్యాపారం రూ.25 వేల పెట్టుబడితో మొదలైంది. ప్రస్తుతం ఏటా రూ.2.5 నుంచి 3 కోట్ల టర్నోవర్ సాధిస్తోంది. ప్రతిరోజు 30 నుంచి 50 మంది కస్టమర్లు షాపుకు వస్తుంటారు. ఆంధ్రప్రదేశ్, తెలంగాణ, కర్ణాటక, మహారాష్ట్ర, ఒడిస్సా, అస్సాం నుంచి వ్యాపారులు వస్తుంటారు.

దూర ప్రాంతాల వ్యాపారుల కోసం కొరియర్ సదుపాయం కూడా ఉంది. వీడియో కాల్, WhatsApp ద్వారా ఆర్డర్లు తీసుకుంటారు. షాపులో పనిచేసే కీర్తన అనే ఉద్యోగి రోజుకు రూ.300, నెలకు రూ.9,000 వేతనం పొందుతున్నారు. సీజన్‌లో 15-20 మంది మహిళలు పనిచేస్తారు.

షాపు అంబర్‌పేట్ కొత్త DCP కార్యాలయం ఎదురుగా ఉంది. ఉదయం 9 గంటల నుంచి రాత్రి 10 గంటల వరకు తెరిచి ఉంటుంది.