హైడ్రా కమిషనర్ రంగనాథ్‌కు గచ్చిబౌలి, మస్కీ చెరువు ప్రాంతాల్లో మద్దతు ర్యాలీలు

హైదరాబాద్‌లోని గచ్చిబౌలి జనార్ధన్ హిల్స్ కాలనీ, మస్కీ చెరువు ప్రాంతాల్లో హైడ్రా కమిషనర్ రంగనాథ్‌కు మద్దతుగా స్థానికులు ర్యాలీలు నిర్వహించారు.

జనార్ధన్ హిల్స్‌లో హైడ్రా చర్యలతో గతంలో ఆక్రమణకు గురైన పార్కు స్థలాన్ని తిరిగి స్వాధీనం చేసుకున్నామని స్థానికులు తెలిపారు. కోట్ల రూపాయల విలువైన భూమిని రక్షించిన రంగనాథ్‌కు వారు కృతజ్ఞతలు తెలిపారు. ప్రకృతి వనరుల పరిరక్షణకు అందరూ కలిసి రావాలని పిలుపునిచ్చారు.

మస్కీ చెరువు పరిరక్షణ కోసం సాయి గౌతం కాలనీ, పెంటయ్య కాలనీ, గీతాంజలి వేదిక్ స్కూల్ ప్రాంతాల నుంచి చెరువు వరకు పెద్ద ర్యాలీ సాగింది. అపార్ట్‌మెంట్ నివాసితులు, పర్యావరణ ప్రేమికులు ఇందులో పాల్గొన్నారు. ‘సేవ్ అండ్ డెవలప్ మస్కీ లేక్’ అంటూ ప్లకార్డులు ప్రదర్శించారు.

మస్కీ చెరువు పరిరక్షణ అంశంపై హైకోర్టు సానుకూలంగా స్పందించాలని స్థానికులు విజ్ఞప్తి చేశారు.