హైదరాబాద్ గణేశ్ ఉత్సవాల్లో 1,530 మంది ఈవ్ టీజర్లను అదుపులోకి తీసుకున్న SHE Teams

హైదరాబాద్‌లో గణేశ్ ఉత్సవాల సందర్భంగా SHE Teams 1,530 మంది ఈవ్ టీజర్లను అదుపులోకి తీసుకున్నాయి.

సెప్టెంబర్ 14 నుంచి 23 వరకు నగరవ్యాప్తంగా ప్రత్యేక నిఘా నిర్వహించారు. ఖైరతాబాద్, బాలాపూర్ సహా వివిధ ప్రాంతాల్లో మహిళా పోలీసులు మఫ్టీలో నిఘా పెట్టారు.

మహిళలు, యువతులను వేధించిన వారిపై కేసులు నమోదు చేశారు. మరో 724 మందికి కుటుంబ సభ్యుల సమక్షంలో కౌన్సిలింగ్ ఇచ్చారు.

మహిళల పట్ల అసభ్యంగా ప్రవర్తిస్తే కఠిన చర్యలు తప్పవని పోలీసులు హెచ్చరించారు.