హైదరాబాద్–విశాఖ దూరం 56 కి.మీ. తగ్గింపు: ఖమ్మం–దేవరపల్లి గ్రీన్ఫీల్డ్ హైవే అందుబాటులోకి

హైదరాబాద్ నుంచి విశాఖపట్నం వెళ్లే ప్రయాణికులకు కొత్త మార్గం అందుబాటులోకి వచ్చింది. ఖమ్మం నుంచి ఆంధ్రప్రదేశ్‌లోని దేవరపల్లి వరకు 165 కి.మీ. పొడవైన యాక్సెస్ కంట్రోల్డ్ గ్రీన్ఫీల్డ్ హైవే ప్రారంభమైంది. దీంతో ఇకపై విజయవాడ మీదుగా వెళ్లాల్సిన అవసరం లేదు; దాదాపు 56 కి.మీ. దూరం ఆదా అవుతుందని రహదారి అధికారులు తెలిపారు.

ఇది తెలుగు రాష్ట్రాల్లో తొలి యాక్సెస్ కంట్రోల్డ్ గ్రీన్ఫీల్డ్ హైవే. నిర్ణీత ఎంట్రీ, ఎగ్జిట్ పాయింట్ల ద్వారా మాత్రమే ప్రవేశం ఉంటుంది; మధ్యలో ఎక్కడ పడితే అక్కడ ఎక్కడానికి వీల్లేదు. టోల్ చార్జీలు ప్రయాణించిన దూరాన్ని బట్టి వసూలు చేస్తారు.

హైవేలో ఏఐ ఆధారిత కెమెరాలు అమర్చారు. ఇవి వేగ పరిమితి ఉల్లంఘన, సీట్ బెల్ట్ ధరించకపోవడం, రాంగ్ రూట్ డ్రైవింగ్ వంటి నిబంధనలను గుర్తించి ఆటోమేటిక్‌గా చలాన్ జారీ చేస్తాయి.