హైడ్రాలో 150 హైడ్రా కాంట్రాక్టు ఉద్యోగాలకు 3,000 మంది అభ్యర్థులు - సరూర్నగర్ స్టేడియంలో భారీ రద్దీ

హైడ్రా సంస్థ భర్తీ చేయనున్న 150 కాంట్రాక్టు ఉద్యోగాల కోసం హైదరాబాద్‌లోని సరూర్నగర్ స్టేడియంలో భారీ సంఖ్యలో అభ్యర్థులు హాజరయ్యారు. దాదాపు 3,000 మందికి పైగా ఆశావహులు ఈ రిక్రూట్‌మెంట్ డ్రైవ్‌కు వచ్చినట్లు సమాచారం.

మొత్తం 150 పోస్టుల్లో 50 డ్రైవర్ ఉద్యోగాలు ఉన్నాయి. పదో తరగతి అర్హత ఉన్నవారు దరఖాస్తు చేయవచ్చు. అయితే డిగ్రీ, బీటెక్, ఎంబీఏ చేసిన అభ్యర్థులు కూడా పాల్గొన్నారు.

స్టేడియం వద్ద ఏర్పాటు చేసిన టోకెన్ విధానం వల్ల కొందరు అభ్యర్థులు అసౌకర్యానికి గురయ్యారు. తెల్లవారుజామున 4 గంటలకే వచ్చినా పోలీసులు లేకపోవడంతో తోపులాట జరిగింది. కొందరికి టోకెన్ ఇచ్చి మరుసటి రోజు రమ్మని చెప్పారు.

వరంగల్ నుంచి రాత్రి ట్రైన్‌లో వచ్చిన ఓ అభ్యర్థి, '150 పోస్టుల కోసం దాదాపు 10,000 మందికి పైగా వచ్చారు. నైట్ 4 గంటలకు ఇక్కడికి చేరుకున్నాం' అని తెలిపారు.

ప్రస్తుతం రాత పరీక్షలు లేకుండా ఫిజికల్ టెస్ట్ ద్వారా ఎంపిక చేస్తున్నారు. హైడ్రా అధికారులు రాబోయే రోజుల్లో నియామక ప్రక్రియ పూర్తి చేస్తామని ప్రకటించారు. టోకెన్ పొందిన వారంతా మరుసటి రోజు టెస్ట్‌కు హాజరుకావాలని సూచించారు.