తెలుగు రాష్ట్రాలకు ఐఎండి వాతావరణ హెచ్చరిక: మరో 5 రోజులు వర్షాలు

తెలుగు రాష్ట్రాల్లో రాబోయే ఐదు రోజుల పాటు తేలికపాటి నుంచి మోస్తరు వర్షాలు కురుస్తాయని భారత వాతావరణ శాఖ (ఐఎండి) తెలిపింది. ఏపీ, తెలంగాణలోని పలు జిల్లాల్లో ఈదురుగాలులు, మెరుపులతో కూడిన వర్షం కురిసే అవకాశం ఉందని అధికారులు వెల్లడించారు.

బంగాళాఖాతంలో ఏర్పడిన పరిస్థితులు, నైరుతి ఋతుపవనాల ప్రభావం వల్ల ఈ వర్షాలు పడతాయని హైదరాబాద్ వాతావరణ కేంద్రం అంచనా వేసింది. వర్షాలతో పాటు గంటకు 50 నుంచి 60 కిలోమీటర్ల వేగంతో బలమైన ఈదురుగాలు వీస్తాయని హెచ్చరించింది. గాలులు వీచేటప్పుడు ప్రజలు అప్రమత్తంగా ఉండాలని అధికారులు సూచించారు.

తెలంగాణలోని అన్ని జిల్లాలతో పాటు ఆదిలాబాద్, కొమరంభీం, మంచిర్యాల, నిర్మల్, పెద్దపల్లి, జయశంకర్ భూపాలపల్లి జిల్లాల్లో రాబోయే 48 గంటల్లో ఉరుములు, మెరుపులతో కూడిన జల్లులు కురుస్తాయని ప్రత్యేక హెచ్చరిక జారీ చేసింది. ఏపీలో శ్రీకాకుళం సహా పలు జిల్లాల్లో అక్కడక్కడ మోస్తరు వర్షాలు, ఈదురుగాలులు కొనసాగుతాయని వాతావరణ శాఖ తెలియజేసింది.