దేశంలో పలు రాష్ట్రాల్లో భారీ వర్షాలు; IMD హెచ్చరిక

దేశంలో నైరుతి రుతుపవనాలు ముందుకు సాగుతుండడంతో పలు రాష్ట్రాల్లో భారీ వర్షాలు కురుస్తున్నాయి. భారత వాతావరణ శాఖ (IMD) పలు రాష్ట్రాలకు భారీ వర్షాల హెచ్చరిక జారీ చేసింది.

ఇవాల్టి నాటికీ మహారాష్ట్ర, కర్ణాటక, గుజరాత్, కేరళ, ఉత్తరప్రదేశ్, ఉత్తరాఖండ్ తదితర రాష్ట్రాల్లో ఉరుములు, ఈదురు గాలులతో కూడిన భారీ నుంచి అతి భారీ వర్షాలు కురిసే అవకాశం ఉందని IMD తెలిపింది.

నైరుతి రుతుపవనాలు గుజరాత్, రాజస్థాన్, హర్యానా, పంజాబ్ వైపు విస్తరిస్తున్నాయి. రాబోయే 2-3 రోజుల్లో హిమాచల్ ప్రదేశ్, ఉత్తరాఖండ్, ఢిల్లీ, యూపీలోని కొన్ని ప్రాంతాల్లో విస్తారంగా వర్షాలు పడే అవకాశం ఉన్నట్లు IMD అంచనా వేసింది. కొంకన్, గోవా, మధ్య మహారాష్ట్ర, కేరళ, కర్ణాటకల్లో కూడా రుతుపవనాలు చురుగ్గా ఉంటాయని తెలిపింది.