2500 కి.మీ మేఘాల గోడ.. ఐఎమ్డీ అరుదైన అలర్ట్: తీవ్ర తుఫాన్లు, వడగళ్లు, 80 కి.మీ వేగంతో గాలులు

ఉత్తర భారతంలో వాతావరణంలో భారీ మార్పు నమోదైంది. ఇన్సాట్ 3డీఎస్ ఉపగ్రహ చిత్రాల్లో పాకిస్తాన్ సరిహద్దు నుంచి బంగాళాఖాతం వరకు దాదాపు 2500 కిలోమీటర్ల పొడవైన మేఘాల బెల్ట్ కనిపించింది. దీనిపై ఐఎమ్డీ అరుదైన అలర్ట్ జారీ చేసింది.

పశ్చిమ హిమాలయాల నుంచి వచ్చిన వెస్టర్న్ డిస్టర్బెన్స్, అరేబియా సముద్రం, బంగాళాఖాతం నుండి వచ్చిన అధిక తేమతో కూడిన గాలులు ఢీకొనడంతో ఈ పరిస్థితి ఏర్పడింది. గత వారాలుగా భూమిపై నమోదైన విపరీతమైన వేడి ఈ తేమను ఎగువ వాతావరణంలోకి నెట్టివేసింది.

ఈ ప్రభావంతో పంజాబ్, హర్యానా, ఢిల్లీ, ఉత్తరప్రదేశ్ సహా పలు రాష్ట్రాల్లో తీవ్రమైన ఉరుములు, మెరుపులతో కూడిన వర్షాలు, వడగళ్ల వాన కురిసే అవకాశం ఉంది. గాలులు 80 కిలోమీటర్ల వేగంతో వీచొచ్చని హెచ్చరించింది.

వాతావరణ నిపుణులు ఇది సాధారణ వర్షం కాదని, తీవ్రమైన వాతావరణ మార్పు అని పేర్కొన్నారు. ఇలాంటి భారీ స్థాయి మేఘ నిర్మాణం ఇటీవలి దశాబ్దంలో నమోదు కాలేదని తెలిపారు.

ప్రజలు అప్రమత్తంగా ఉండాలని, అనవసర ప్రయాణాలు మానుకోవాలని సూచించారు. వడగళ్ల వాన కారణంగా పంటలకు నష్టం జరగొచ్చన్న హెచ్చరికలు ఉన్నాయి.