తెలంగాణలో జూన్ రెండో వారంలో నైరుతి ఋతుపవనాలు: IMD

ఐఎండీ అంచనాల ప్రకారం, తెలంగాణలో ఈ నెల రెండో వారంలో (జూన్) నైరుతి ఋతుపవనాలు ప్రవేశించనున్నాయి. కేరళలో రాబోయే రెండు, మూడు రోజుల్లో రుతుపవనాలు తాకనున్నాయని ఐఎండీ తెలిపింది.

అరేబియా సముద్రం, ఆగ్నేయ బంగాళాఖాతం, తమిళనాడులోని కొన్ని ప్రాంతాలకు రుతుపవనాలు విస్తరిస్తున్నాయి. మే 26న కేరళను తాకొచ్చని తొలి అంచనా వేసిన ఐఎండీ, మే 29న ఆ అంచనాను సవరించింది. అనుకూల పరిస్థితులు వేగవంతం చేశాయి.

ఈ ఏడాది ఎల్లినో ప్రభావంతో సాధారణం కంటే తక్కువ వర్షపాతం నమోదయ్యే అవకాశం ఉందని వాతావరణ శాఖ చెబుతోంది. పసిఫిక్ మహాసముద్రంలో ఎల్లినో పరిస్థితులు బలహీనంగా ఉన్నప్పటికీ, సెప్టెంబర్ నాటికి బలపడతాయని ఐఎండీ పేర్కొంది.

ఇవాళ, రేపు పలు ప్రాంతాల్లో వర్షాలు కురిసే అవకాశం ఉంది. గంటకు 40 నుండి 50 కిలోమీటర్ల వేగంతో ఈదురుగాలులు వీచొచ్చు. నాలుగు రోజుల పాటు ఉష్ణోగ్రతలు తగ్గుతాయని ఐఎండీ తెలిపింది. రుతుపవనాల రాకతో తెలంగాణ ప్రజలకు వడగాలుల నుండి ఉపశమనం లభిస్తుంది.