భారత్–ఆస్ట్రేలియా సంయుక్త సైనిక విన్యాసాలు ఆస్ట్రాహింద్ 2026 ముగింపు

భారత్–ఆస్ట్రేలియా సంయుక్త సైనిక విన్యాసాలు ఆస్ట్రాహింద్ 2026 నవంబర్ 1న ముగిశాయి. అక్టోబర్ 19న ప్రారంభమైన ఈ విన్యాసాలు నవంబర్ 1 వరకు కొనసాగాయి.

ఈ విన్యాసాల్లో భారత్ తరపున గర్వాల్ రైఫిల్స్ సైనికులు పాల్గొన్నారు. ఆస్ట్రేలియా తరపున 13వ ఇన్ఫాంట్రీ బ్రిగేడ్ సిబ్బంది భాగస్వాములయ్యారు. ఇరు దేశాల నుంచి సుమారు 120 మంది చొప్పున మొత్తం 240 మంది సైనికులు ఈ విన్యాసాల్లో పాల్గొన్నారు.

అడవులు, తీర ప్రాంతాలు, దీవుల్లో సంయుక్త సైనిక కార్యకలాపాలను నిర్వహించారు. ఉగ్రవాద వ్యతిరేక చర్యలు, విపత్తుల సమయంలో సహాయక చర్యలపై ప్రత్యేక శిక్షణ ఇచ్చారు. అక్టోబర్ 30, 31 తేదీల్లో 36 గంటల పాటు ప్రత్యేక సంయుక్త విన్యాసం జరిగింది.

ఈ విన్యాసాలకు భారత నౌకాదళం, వైమానిక దళం, కేరళ ఫైర్ అండ్ రెస్క్యూ సర్వీసెస్ సహకారం అందించాయి. న్యూజిలాండ్ ప్రతినిధులు పరిశీలకులుగా పాల్గొన్నారు. ఈ విన్యాసాల ద్వారా ఇరు దేశాల సైనిక దళాల మధ్య సమన్వయం, పరస్పర సహకారం పెరిగాయని తెలిపారు.