దేశవ్యాప్తంగా తీవ్ర వడగాలులు — ఉష్ణోగ్రత 48°C దాటింది

భారతదేశంలో పలు నగరాల్లో ఉష్ణోగ్రతలు 40 నుంచి 48°C వరకు నమోదవుతున్నాయి. ఉత్తరప్రదేశ్ బాంధాలో 47.5°C నమోదైంది. ప్రపంచంలో అత్యంత వేడిగా ఉన్న 50 నగరాల్లో అధిక భాగం భారత్‌లోనే ఉన్నాయని తెలుస్తోంది.

IMD వచ్చే వారం రోజులు తీవ్రమైన వడగాలులు వీచే అవకాశం ఉందని హెచ్చరించింది. తెలుగు రాష్ట్రాలు, ఆంధ్రప్రదేశ్ తీర ప్రాంతాలు, తెలంగాణతో పాటు ఉత్తరప్రదేశ్, మధ్యప్రదేశ్, పంజాబ్, హర్యానా, రాజస్థాన్‌లలో వడగాలులు ఎక్కువగా ఉంటాయని అంచనా.

ఢిల్లీ రోడ్లపై ఉష్ణోగ్రత 60°C వరకు ఉంటోందని నివాసితులు తెలిపారు. మధ్యాహ్నం రోడ్లు నిర్మానుష్యంగా మారుతున్నాయి. కాంక్రీట్ తారు రోడ్లపై వేడి మరింత అధికంగా ఉంటోంది.

నైరుతి రుతుపవనాలు విస్తరించడానికి ఇంకా సమయం పట్టే అవకాశం ఉందని IMD తెలిపింది. వృద్ధులు, పిల్లలు అప్రమత్తంగా ఉండాలని, తగిన జాగ్రత్తలు తీసుకోవాలని సూచించింది.