బియ్యం-గోధుమలపై భారత్ ఆధారపడటం ప్రమాదకరం: పంట వైవిధ్యం తప్పనిసరి

భారతదేశ ఆహారధాన్యాల సేకరణ వ్యవస్థ బియ్యం, గోధుమలపైనే ఎక్కువగా ఆధారపడటం ప్రమాదకర స్థాయికి చేరిందని నిపుణులు హెచ్చరించారు. ప్రభుత్వం కనీస మద్దతు ధర (MSP) ద్వారా ఈ రెండు పంటలనే భారీగా కొనుగోలు చేయడంతో రైతులు కూడా ఇవే ఎక్కువగా పండిస్తున్నారు. దీంతో పప్పుధాన్యాలు, నూనె గింజలు, తోటల ఉత్పత్తులు వంటి వైవిధ్యమైన పంటల సాగు తగ్గుతోంది. భారత ప్రభుత్వం పబ్లిక్ డిస్ట్రిబ్యూషన్ సిస్టమ్ (PDS) కోసం బలమైన సేకరణ వ్యవస్థను నిర్మించింది. MSP హామీ, కొనుగోలు కేంద్రాలు, నిల్వ, పంపిణీ లాంటి సౌకర్యాలు వల్ల ఆహార భద్రత సాధించినా, ఒకే రకమైన పంటలపై ఆధారపడటం దీర్ఘకాలంలో సమస్యలు తెస్తుందని విశ్లేషకులు హెచ్చరిస్తున్నారు. ఇటీవల ఇండియా టుడే చర్చలో ఈ ‘వ్యసనం’ ప్రమాదకరంగా మారిందని, కేవలం పప్పులు, నూనె గింజలే కాకుండా పండ్లు, కూరగాయలు వంటి తోటల ఉత్పత్తులను కూడా ప్రోత్సహించాలని సూచించారు. దేశం పప్పు దిగుమతులపై ఆధారపడటాన్ని తగ్గించేందుకు ప్రభుత్వం తీసుకున్న చర్యలు కొనసాగుతున్నా, పంటల మార్పిడి విధానాలకు మరింత ప్రాధాన్యత ఇవ్వాల్సిన అవసరం ఉంది. రైతుల ఆదాయం పెరగడంతో పాటు ప్రజల పోషకాహార అవసరాలను తీర్చేందుకు పంటల వైవిధ్యం తప్పనిసరి అని నిపుణులు స్పష్టం చేశారు.