భారత మార్కెట్లు లాభాల్లో ముగింపు; సెన్సెక్స్ 644 పాయింట్లు పెరిగింది

భారత స్టాక్ మార్కెట్లు శుక్రవారం లాభాల్లో ముగిసాయి. సెన్సెక్స్ 644 పాయింట్లు పెరిగి బలంగా ముగియగా, నిఫ్టీ 174 పాయింట్లు లాభపడి 24,334 వద్ద స్థిరపడింది. బ్యాంక్ నిఫ్టీ మాత్రం స్వల్పంగా 54 పాయింట్లు తగ్గి ఫ్లాట్‌గా ముగిసింది.

ఐటీ రంగం ఈ రోజు కీలక సపోర్ట్ ఇచ్చింది. టీసీఎస్ ఫలితాలు, గైడెన్స్ బాగుండటంతో ఐటీ షేర్లు పుంజుకున్నాయి. డాలర్‌తో రూపాయి మారకం విలువ 96గా ఉంది. కోల్ ఇండియా, హెచ్‌సీఎల్ టెక్, హెచ్ఎఫ్సీ బ్యాంక్, ఐటీసీ, జియోజిత్, కోటక్ బ్యాంక్, బజాజ్ ఆటో షేర్లు లాభాల్లో కొనసాగాయి. మరోవైపు ఏఎఫ్సీ లైఫ్, ఇండిగో, భారతీ ఎయిర్‌టెల్ షేర్లు నష్టాల్లో ముగిశాయి.

విశ్లేషకుల ప్రకారం రిలయన్స్ ఫలితాలు కూడా మార్కెట్‌కు మద్దతు ఇచ్చాయి. రేపు శనివారం యాక్సిస్ బ్యాంక్, ఐసీఐసీఐ బ్యాంక్, కోటక్ బ్యాంక్, ఐడీబీఐ బ్యాంక్, పంజాబ్ బ్యాంక్ తదితర బ్యాంకుల త్రైమాసిక ఫలితాలు రానున్నాయి. ఈ ఫలితాలు సోమవారం మార్కెట్ దిశను నిర్ణయించే అవకాశం ఉంది.

గ్లోబల్ మార్కెట్ల నుంచి మిశ్రమ సంకేతాలు లభిస్తున్నాయి. బ్రెంట్ క్రూడ్ బ్యారెల్ ధర 85 డాలర్లు గా ఉంది. ఎంసీఎక్స్ లో బంగారం ధర 1,40,573 వద్ద ఉండగా, స్వల్ప క్షీణత కనిపించింది. ఫార్మా, ఆటో, చిప్ తయారీ రంగాలపై దీర్ఘకాలిక పెట్టుబడులకు అవకాశాలు ఉన్నాయని నిపుణులు సూచిస్తున్నారు. మొత్తంగా మార్కెట్‌లో లాభాల వైపు మొగ్గు ఉన్నప్పటికీ ఎంపిక చేసిన షేర్లలో మాత్రమే కొనుగోలు జరిగింది.