సికింద్రాబాద్‌లో ఇందిరమ్మ క్యాంటీన్ ప్రారంభం; ₹5కే నాణ్యమైన ఆహారం

సికింద్రాబాద్ లోని మోండా డివిజన్‌లో MLA శ్రీ గణేష్ ఇందిరమ్మ క్యాంటీన్‌ను ప్రారంభించారు. ప్రతి భోజనం ₹5 కే లభిస్తుంది. పేద, మధ్య తరగతి ప్రజలందరికీ నాణ్యమైన, పౌష్టికాహారం అందించడం ఈ క్యాంటీన్ల లక్ష్యం అని ఆయన తెలిపారు.

కంటోన్మెంట్ నియోజకవర్గంలో మొత్తం 8 క్యాంటీన్లు ఏర్పాటు చేయాలని లక్ష్యంగా పెట్టుకున్నామని MLA చెప్పారు. ప్రస్తుతం మూడు క్యాంటీన్లు ప్రారంభమయ్యాయి. మిగిలిన ఐదు క్యాంటీన్లను త్వరలో అందుబాటులోకి తెస్తామన్నారు.

ఈ క్యాంటీన్లలో ఉదయం 9 గంటల నుంచి అల్పాహారం అందిస్తున్నారు. ఆహార నాణ్యత, రుచి విషయంలో హరేరామ హరేకృష్ణ సంస్థ తనిఖీలు నిర్వహిస్తోందని తెలిపారు. ఆటో డ్రైవర్లు, శానిటేషన్ కార్మికులు, ఇతర కార్మికులు ఈ క్యాంటీన్లను సద్వినియోగం చేసుకోవాలని MLA కోరారు.