హైదరాబాద్ ఇందిరమ్మ ఇండ్ల పథకం: 35,125 దరఖాస్తులు, ప్లాట్లు రూ.6 లక్షలకే

హైదరాబాద్‌లో ఇందిరమ్మ ఇండ్ల పథకం కింద పేద, మధ్యతరగతి ప్రజలకు తక్కువ ధరలకే ఇళ్లు అందించేందుకు రాష్ట్ర ప్రభుత్వం పైలట్ ప్రాజెక్ట్ చేపట్టింది. 16 అసెంబ్లీ నియోజకవర్గాల్లో 7,340 ప్లాట్ల నిర్మాణానికి దరఖాస్తులు స్వీకరిస్తున్నట్టు అధికారులు తెలిపారు.

ఇప్పటివరకు 35,125 దరఖాస్తులు వచ్చాయి. ఈ ప్లాట్లను నామమాత్రపు ధరకే అందిస్తామని హౌసింగ్ బోర్డు వైస్ చైర్మన్ వీపీ గౌతం చెప్పారు. ఓపెన్ మార్కెట్‌లో 30 నుంచి 58 లక్షలు పలికే ఈ ప్లాట్లను ప్రభుత్వం ఆరు లక్షల రూపాయలకే అందజేస్తుందని ఆయన తెలిపారు.

దరఖాస్తుదారులు కూల, ఆదాయ ధ్రువీకరణ పత్రాలు సమర్పించాల్సిన అవసరం లేదని, ఇల్లు కేటాయించిన వారికి దరఖాస్తు ఫీజు తిరిగి చెల్లిస్తామన్నారు. ఈ నెల 20 తర్వాత లాటరీ తీస్తామని, ఏడాదిలోగా నిర్మాణాలు పూర్తి చేస్తామని అధికారులు వివరించారు.

నిర్మాణాలకు టెండర్ ప్రక్రియ ప్రారంభించినట్టు తెలిపారు. ప్రతి నియోజకవర్గంలో 500 ఇండ్లను నిర్మించాలన్న లక్ష్యంతో ఈ పథకాన్ని రాష్ట్ర ప్రభుత్వం రూపొందించింది.