సిన్నపల్లిలో 40 అడుగుల 'ఇందూరు నయాగారా' జలపాతం; ప్రకృతి ప్రేమికుల తాకిడి

నిజామాబాద్ జిల్లా ఇందలబాయి మండలం సిన్నపల్లిలో శీలం జానకిబాయి చెరువు పొంగిపొర్లుతోంది. భారీ వర్షాలతో చెరువు నిండి 40 అడుగుల ఎత్తు నుంచి అలుగు ద్వారా నీరు ప్రవహిస్తోంది. దీన్ని స్థానికులు "ఇందూరు నయాగారా"గా పిలుస్తారు.

ఎగువ ప్రాంతంలో వర్షాలు విస్తారంగా కురిసి చెరువు నిండింది. 40 అడుగుల నుంచి కిందకు పడుతున్న నీరు ప్రకృతి ప్రేమికులను ఆకట్టుకుంటోంది. చుట్టుపక్కల గ్రామాల నుంచి చాలా మంది ప్రకృతిని ఆస్వాదించడానికి వస్తున్నారు.

కానీ, సిన్నపల్లి లోపలికి వచ్చే రోడ్డు మార్గం చాలా ఇబ్బందికరంగా ఉందని పర్యాటకులు చెబుతున్నారు. నడవడానికి, వాహనాలు రావడానికి కూడా సమస్యలు ఉన్నాయి. ప్రభుత్వం ఈ జలపాతాన్ని పర్యాటక కేంద్రంగా తీర్చిదిద్దాలని, రోడ్లు, సౌకర్యాలు మెరుగుపరచాలని కోరుతున్నారు.