హర్మూస్ జలసంధి మూసివేత: పెట్రోల్, డీజిల్ ధరలు పెరిగేందుకు అవకాశం

ఇరాన్ ఒక అంతర్జాతీయ నౌకను స్వాధీనం చేసుకున్న తర్వాత హర్మూస్ జలసంధిని మూసివేసినట్లు ప్రకటించింది. ఆ నౌక ట్రాకింగ్ వ్యవస్థను నిలిపివేసి ఇరాన్ సముద్ర సరిహద్దుల్లోకి ప్రవేశించడంతో ఇరాన్ నౌకాదళం స్వాధీనం చేసుకుంది. ఇతర నౌకలను వెనక్కి పంపినట్లు ఇరాన్ తెలిపింది. ఈ నేపథ్యంలో హర్మూస్ జలసంధిని మూసివేస్తున్నట్లు ప్రకటించింది.

అమెరికా స్పందిస్తూ, కమర్షియల్ నౌకలపై దాడులు చేయబోమని, అదనపు రుసుములు లేకుండా అన్ని దేశాల నౌకలను సురక్షితంగా వెళ్ళనిస్తామని ఇరాన్ హామీ ఇవ్వాలని డిమాండ్ చేసింది. అమెరికా అధ్యక్షుడు ట్రంప్, ఇరాన్ మధ్య చర్చలు జరుగుతున్నాయని, అయితే గత కాల్పుల విరమణ ఒప్పందం ముగిసిందని వార్తలు వచ్చాయి.

హర్మూస్ జలసంధి ప్రపంచ ముడి చమురు సరఫరాలో 20% రవాణా చేస్తుంది. మార్గం మూసివేత కొనసాగితే అంతర్జాతీయ మార్కెట్లో క్రూడాయిల్ రేట్లు పెరిగి, ఫలితంగా భారత్లో పెట్రోల్, డీజిల్ ధరలు పెరగవచ్చని ఆర్థిక నిపుణులు హెచ్చరిస్తున్నారు. దీంతో విమాన టిక్కెట్లు, సరుకు రవాణా ఛార్జీలు, నిత్యవసర వస్తువుల ధరలు కూడా పెరిగే ప్రమాదం ఉంది. ప్రపంచ ఆర్థిక వ్యవస్థలు కుదేలయ్యే అవకాశం ఉందని విశ్లేషకులు హెచ్చరించారు.

హర్మూస్ జలసంధి తిరిగి ఎప్పుడు తెరుస్తారనే దానిపై స్పష్టత లేదు. అమెరికా, ఇరాన్, ఇతర నేతల మధ్య రహస్య చర్చల ఫలితంపైనే ప్రపంచం దృష్టి పెట్టింది.