హార్ముజ్ జలసంధిపై టోల్ విధించే ప్రణాళికలు: ఇరాన్ లక్ష్యం ఏటా 43 బిలియన్ డాలర్లు

అంతర్జాతీయ చమురు రవాణాకు కీలకమైన హార్ముజ్ జలసంధి గుండా ప్రయాణించే నౌకలపై టోల్ వసూలు చేయాలని ఇరాన్ నిర్ణయించింది.

దీని ద్వారా ఏడాదికి 43 బిలియన్ డాలర్ల ఆదాయం లక్ష్యంగా పెట్టుకుంది. ప్రస్తుతం రోజుకు 120 నౌకలు ఈ మార్గంలో ప్రయాణిస్తాయని, ఒక్కో నౌక నుండి పది లక్షల డాలర్లు వసూలు చేస్తామని ఇరాన్ పేర్కొంది.

ఈ టోల్ విధానాన్ని వ్యతిరేకించిన అమెరికా, కతార్లో ఇరాన్ ప్రతినిధులతో చర్చలు జరిపింది. గడువు ముగిసిన ఇరాన్ నిధులను విడుదల చేస్తామని ఆఫర్ ఇచ్చినా ఇరాన్ నిరాకరించింది.

టోల్ మొత్తాన్ని డాలర్కు బదులు చైనా యువాన్ లేదా రష్యా రూబెల్లో వసూలు చేయాలని యోచిస్తోంది. మధ్యవర్తిత్వం చేపట్టిన ఓమన్, టోల్ నిర్వహణను అంతర్జాతీయ సంస్థకు అప్పగించాలని సూచించింది.

కానీ పూర్తి నియంత్రణ తమ చేతుల్లోనే ఉంటుందని ఇరాన్ స్పష్టం చేసింది. ఈ నిర్ణయంతో అంతర్జాతీయ ముడి చమురు ధరలు, షిప్పింగ్ ఖర్చులు పెరిగే ప్రమాదముందని ఆర్థిక నిపుణులు హెచ్చరిస్తున్నారు.