కోదాడ రైస్ మిల్లులో విజిలెన్స్ దాడి: 4,736 టన్నుల ధాన్యం కొరత, యజమాని అరెస్ట్

సూర్యాపేట జిల్లా కోదాడ పట్టణంలోని విజయలక్ష్మి రైస్ కార్పొరేషన్ మిల్లులో విజిలెన్స్ అధికారులు దాడులు నిర్వహించారు.

ఈ దాడుల్లో 2024, 2025, 2026 సీజన్లకు సంబంధించిన మిల్లు రికార్డులను అధికారులు పరిశీలించారు. మొత్తం 4,736 మెట్రిక్ టన్నుల ధాన్యం కొరత ఉన్నట్లు గుర్తించినట్లు తెలిపారు.

ఈ కొరత కారణంగా మిల్లు యాజమాన్యం ప్రభుత్వానికి ₹13 కోట్ల 51 లక్షలు బాకీ పడినట్లు అధికారులు వెల్లడించారు. అనంతరం మిల్లు యజమానిని అరెస్ట్ చేసి అదుపులోకి తీసుకున్నారు.