దళిత, బహుజన కాంట్రాక్టర్లకు GO నం. 17 మరణశాసనంగా మారిందా?

తెలంగాణలో దళిత మరియు బహుజన కాంట్రాక్టర్లకు GO నం. 17 తీవ్రమైన సమస్యగా మారిందని విమర్శలు వెల్లువెత్తుతున్నాయి. సింగిల్ విండో కరప్షన్ కోసమే ఈ GO తీసుకొచ్చారని ఆరోపణలు వినవస్తున్నాయి.

KCR ముఖ్యమంత్రిగా ఉన్న సమయంలో పది వేల మంది పేద విద్యార్థులను మరియు యువకులను అన్ని జిల్లాల్లో DPC ల ద్వారా కాంట్రాక్టర్లుగా నమోదు చేశారు. ఆ విధంగా వారికి నెలకు పది వేల నుంచి పన్నెండు వేల రూపాయలు, సంవత్సరానికి లక్ష రూపాయల వరకు ఆదాయం వచ్చేలా చేశారు.

ప్రస్తుత ముఖ్యమంత్రి రేవంత్ రెడ్డిని DPC రికార్డులు తెప్పించాలని కోరారు. DPC లో కూరగాయలు, మటన్, చికెన్, గుడ్లు, పప్పు మొదలైన సరుకులు, అదే విధంగా శానిటేషన్ కెమికల్స్, క్యాటరింగ్ కాంట్రాక్టులు ఎవరికి వచ్చాయో పరిశీలించాలని డిమాండ్ చేశారు.

డబ్బులు రావట్లేదని రాత్రికి రాత్రే 2025లో GO 17 తీసుకొచ్చారని ఆరోపణలు ఉన్నాయి. ఈ GO తయారు చేసిన విధానంలో సోషల్ వెల్ఫేర్ డిపార్ట్మెంట్ హెడ్ ఆఫ్ డిపార్ట్మెంట్ ఫైల్ మూవ్ చేసి, సోషల్ వెల్ఫేర్ సెక్రెటరీ ద్వారా ముఖ్యమంత్రికి పంపించారని, తర్వాత అడ్డూరు లక్ష్మణ్ కుమార్ సంతకం తీసుకున్నారని తెలుస్తోంది.

ఈ నిర్ణయం దళిత, బహుజన కాంట్రాక్టర్ల జీవనోపాధిని దెబ్బతీస్తుందని, ఇది వారి పాలిట మరణశాసనంగా మారిందని విమర్శకులు ఆందోళన వ్యక్తం చేస్తున్నారు.