జగన్నాథుడి రథయాత్ర కోసం 95 కిలోల వెండి రథం సిద్ధం

రాజస్థాన్ లోని ఉదయపూర్లో జగన్నాథుడి రథయాత్ర కోసం 95 కిలోల వెండి రథం తయారవుతోంది. ఓ కళాకారుడు దీన్ని 58 విడి భాగాల రూపంలో రూపొందిస్తున్నారు.

ఈ భాగాలన్నీ రథయాత్రకు ఐదు రోజుల ముందు ఒకచోట చేర్చి, పూర్తి రథం ఆకారంలో అమర్చుతారు. రథం ఎత్తు 21 అడుగులు, పొడవు 17 అడుగులు ఉంటుంది.

రథయాత్ర ముగిసిన తర్వాత, వెండి భాగాలను మళ్లీ విడదీసి భద్రపరుస్తారు. ఈ విధానం వల్ల రథాన్ని ఏటా సులభంగా తిరిగి సమకూర్చుకోవచ్చని అధికారులు చెబుతున్నారు.

జులై 16న జగన్నాథుని ఊరేగింపు నిర్వహించనున్నారు. ఈ వేడుకలో వేలాది మంది భక్తులు పాల్గొంటారని ఆలయ సిబ్బంది వెల్లడించారు.