మూసీ నదీ తీర అభివృద్ధి మొదటి దశకు రూ.7,345 కోట్ల పనులకు ఆమోదం

తెలంగాణ ప్రభుత్వం మూసీ నదీ తీర అభివృద్ధి మొదటి దశ పనులకు పరిపాలనపరమైన అనుమతులు జారీ చేసింది. ఈ పనులకు రూ.7,345 కోట్లు ఖర్చు చేయనుంది. భూసేకరణ వ్యయం ఈ మొత్తంలో చేర్చలేదు.

మొదటి దశలో హిమాయత్ సాగర్ నుంచి బాపూఘాట్ వరకు 9 కిలోమీటర్లు, ఉస్మాన్ సాగర్ నుంచి బాపూఘాట్ వరకు 11 కిలోమీటర్ల మేర నదీ తీరాన్ని అభివృద్ధి చేస్తారు. రెండు కారిడార్లు కలిపి మొత్తం 21 కిలోమీటర్ల పొడవునా పనులు జరుగుతాయి. వీటిని జోన్-1ఎ, జోన్-1బి ప్రాధాన్య కారిడార్లుగా గుర్తించారు.

ప్రాజెక్టు నిధుల వివరాల ప్రకారం, ఆసియా అభివృద్ధి బ్యాంకు (ADB) నుంచి రూ.4,500 కోట్లు, HMDA, TGIIC నుంచి రూ.2,845 కోట్లు రుణంగా సమకూరుతాయి. ఈ పనులు EPC విధానంలో, ADB మార్గదర్శకాల మేరకు చేపడతారు.

సీఎం రేవంత్ రెడ్డి ఈ ప్రాజెక్టు పనులు వేగవంతం చేయాలని ఇదివరకే అధికారులను ఆదేశించారు. నిధులకు ఆమోదం లభించడంతో MRDCL సంస్థకు తదుపరి చర్యలు చేపట్టాలని ప్రభుత్వం సూచించింది.