గుంటూరు జిల్లా ఉద్యోగ సంఘాల మెమోరాండం మంత్రి నాదెండ్ల మనోహర్‌కు అందజేత

గుంటూరు జిల్లాలోని వివిధ ఉద్యోగ సంఘాలు, JAC నాయకులు రాష్ట్ర మంత్రి నాదెండ్ల మనోహర్‌ను కలిసి వినతి పత్రం సమర్పించారు. పీఆర్సీ డీఏలు విడుదల చేయాలని, సీపీఎస్ పథకాన్ని రద్దు చేయాలని, మిగిలిన బకాయిలు చెల్లించాలని కోరారు.

11, 12 పీఆర్సీలను అమలు చేయాలని, పీఆర్సీ కమిటీని వెంటనే నియమించాలని, 30% ఐఆర్ (interim relief) ప్రకటించాలని మెమోరాండంలో పేర్కొన్నారు. ఆరోగ్య కార్డులను సక్రమంగా అమలు చేయాలని, సరెండర్ లీవ్ బకాయిలు పెన్షనర్లకు విడుదల చేయాలని కూడా డిమాండ్ చేశారు.

మంత్రి నాదెండ్ల మనోహర్ సానుకూలంగా స్పందించారు. త్వరలో కేబినెట్ సబ్ కమిటీతో ఈ సమస్యలను పరిష్కరించేందుకు చర్యలు తీసుకుంటామని హామీ ఇచ్చినట్లు JAC నాయకులు తెలిపారు.