రెవెన్యూ శాఖ మంత్రి బీసీ జనార్దన్ రెడ్డికి పనితీరు మెరుగుపర్చుకోవాలని సీఎం చంద్రబాబు సూచన

నంద్యాల జిల్లా బనగానపల్లెలో సోమవారం సీఎం చంద్రబాబు నాయుడు పర్యటించారు. రైతులకు పట్టాదారు పాస్ పుస్తకాలను అందజేశారు. అనంతరం నియోజకవర్గంలో వివిధ శాఖల పురోగతి నివేదికలను సమీక్షించారు.

ఈ సమీక్షలో రెవెన్యూ శాఖ మంత్రి బీసీ జనార్దన్ రెడ్డి, అధికారులు పాల్గొన్నారు. సీఎం బాగా పనిచేసిన అధికారులను అభినందించారు. వెనుకబడిన శాఖల అధికారులను పనితీరు మెరుగుపర్చుకోవాలని హెచ్చరించారు.

మంత్రి జనార్దన్ రెడ్డికి ప్రత్యేకంగా సూచనలు చేశారు. "మీరు దృఢంగా వ్యవహరించాలి. అధికార యంత్రాంగాన్ని సమన్వయం చేసుకుని ప్రజా సమస్యలు పరిష్కరించాలి. ఇంట గెలిచి రచ్చ గెలవాలి" అని చంద్రబాబు అన్నారు.

దీనికి మంత్రి స్పందిస్తూ తాను కొత్తగా బాధ్యతలు చేపట్టానని, త్వరలో మెరుగుదల ఉంటుందని హామీ ఇచ్చారు. సీఎం మాత్రం "లేని పక్షంలో స్వయంగా వచ్చి నేర్పిస్తాను. భవిష్యత్తులో ఆకస్మిక తనిఖీలు ఉంటాయి" అని హెచ్చరించారు.

చంద్రబాబు ఈ సందర్భంగా మాట్లాడుతూ ప్రజలు ఓట్లు వేసి గెలిపించారని, వారికి న్యాయం చేయడం తమ బాధ్యత అని అన్నారు. నియోజకవర్గ అభివృద్ధిలో ఎవరినీ విడిచిపెట్టనని స్పష్టం చేశారు.