తుంగతుర్తి కాంగ్రెస్ వివాదంపై జగ్గారెడ్డి పీసీసీకి నివేదిక సమర్పించారు

కాంగ్రెస్ సీనియర్ నేత జగ్గారెడ్డి తుంగతుర్తి నియోజకవర్గంలోని పార్టీ అంతర్గత వివాదంపై పీసీసీ అధ్యక్షుడికి నివేదిక సమర్పించారు. ఎమ్మెల్యే, ఎంపీ, జిల్లా అధ్యక్షుడు, స్థానిక నాయకులతో సహా పలువురి సూచనలను నివేదికలో పొందుపర్చినట్లు ఆయన తెలిపారు.

ఈ నివేదికలో ఏఐసీసీ మార్గదర్శకాలను అనుసరించినట్లు చెప్పారు. ఎమ్మెల్యే రాజగోపాల్ రెడ్డి, మాజీ ఎంపీ కోమటిరెడ్డి వెంకట్ రెడ్డి, ఉత్తం కుమార్ రెడ్డి, జానా రెడ్డి వంటి రాష్ట్ర స్థాయి నేతలు కేవలం సూచనలు మాత్రమే చేశారని, ఈ వివాదంలో వారెవరూ ప్రత్యక్షంగా పాల్గొనలేదని జగ్గారెడ్డి స్పష్టం చేశారు. ఇది పార్టీ అంతర్గత వ్యవహారమేనని, కుల ప్రాతిపదికతో సంబంధం లేదని ఆయన పేర్కొన్నారు.

తుంగతుర్తి కార్యకర్తలు తొందరపడొద్దని, అధికారం అందరికీ వస్తుందని జగ్గారెడ్డి హామీ ఇచ్చారు. తన వద్ద నివేదిక కాపీ ఉందని, పీసీసీ అధ్యక్షుడు దీనిపై ఎలా నిర్ణయం తీసుకుంటారో చూస్తామని ఆయన వ్యాఖ్యానించారు.